Бид үргэлж ажилтнуудаа сургаж хөгжүүлэх тал дээр анхаарч ажилладаг бөгөөд бидэнтэй нэгдсэнээр хөрөнгийн зах зээлийн хөгжилд хувь нэмэр оруулан ажиллахаас гадна өөрийн мэдлэг туршлагаа ч мөн нэмэгдүүлэх боломжтой.
“Улаанбаатар үнэт цаасны бирж” ХК шинээр бий болсон нээлттэй сул орон тоо гарсан ажлын байранд ажилтан сонгон шалгаруулж авах тохиолдолд ажилтан авах зарыг компанийн цахим хуудас болон бусад хэвлэл мэдээллийн хэрэгслээр дамжуулан нийтэд мэдээллэдэг.
Шинээр ажилд орохоор хүсэлт гаргасан ажил горилогч нь компанийн цахим хуудаст байршуулсан маягтын /анкет/ дагуу холбогдох мэдээллээ үнэн зөв бөглөж бусад шаардлагатай материалын хамт биржийн дотоод асуудал хариуцсан мэргэжилтэнд хэвлэмэл байдлаар ирүүлнэ. Бирж материалыг хянаад шаардлага хангасан ажил горилогчийг ярилцлагад урьж зохих мэдлэгийн шалтгалтыг тест хэлбэрээр авна.
Ажлын байрны тодорхойлолтод заагдсан шаардлагад нийцэж байна гэж үзсэн тохиолдолд Гүйцэтгэх захирал тухайн ажил горилогчтой хөдөлмөрийн гэрээ, нууц хадгалах гэрээг бичгээр байгуулж туршилтын болон үндсэн ажилд томилсон тухай тушаал гаргана. Их дээд сургууль төгсөж анхлан ажиллах гэж байгаа ажилтны мэдлэг, ур чадварыг тодорхойлох, дадлага олгох зорилгоор хуульд заасан хугацаанд туршилтаар ажиллуулна. Ажлын туршлага, ур чадвар эзэмшсэн ажилтныг туршилтын хугацаагүйгээр тодорхой албан тушаалд үндсэн ажилтнаар шууд томилж болно.